Missä riski oon suuriin jouttuut valkkeeniskun kohtheeksi?

Ylheisesti sanottunna iskeevä valkkeet enniiten kesälä, ja siksi riski jouttuut valkkeeniskun kohtheeksi oon suuriin sielä missä se oon kesä ympäri vuođen, nimelisesti Afrikassa – tarkemin sanottunna Kifukan kylässä, Kongon demokraatisessa republikissa. Joka vuosi valkkeeniskui oon yli 150 tässä alassa mikä täkkää vain yhđen kvadraattikilomeetterin. Roy Sullivan ei asunu Kifukassa, mutta hän menestyi jouttuut valkkeeniskun kohtheeksi 7 eri kerttaa ko hän työteli parkkivahtina Shenandoahin kansalistarhaassa, USA:ssa. Virginian staatissa, missä hän asui, tapattuu paljon valkkeeniskui joka vuosi, ja ko Sullivan työteli ulkona vaaroila, oli riski tulla isketyksi suurempi.