Etikki ja moraali

Kaikki saattavat päättäät omasta elämästä. 

Mitä vanhemaksi sie tulet, sitä enämen sie saat päättäät sinun asioista.

Sie päätät missä sie haluat asuat ja minkä kans sie haluat työtelä. Se saattaa olla vaikea valita, mutta sitä ei löy’y fasiittia sinun valinoile.

Ko sie siiryt elämhään ominpäin, saat tehä justhiin niin ko haluat. Mutta muista ette kaikila valinoila oon konsekvensit. 

Jokku valinat vaikuttavat vain sinhuun. Toiset vaikuttavat muihin.

Forrige avsnitt

1 / 2

Neste avsnitt
Mange veivalg
Mange veivalg

Oikea ja väärä

Se oon tärkeätä valita oikhein ette saapi ittele hyvän elämän. Met saatama valita olla hyvä vai huono ystävä.

Sie valittet itte, haluatko olla rehelinen vain haluatko valehella ja varastaat nette saat sen mitä haluat.

Jos sie saatat vähäsen etikin ja moraalin ympärit niin se oon helpompi tehä hyvät valinat.

Moraali

Moraali oon reekelit jokka jälläävät yhtheiskunnassa, esimerkiksi ette met emmä saa varastaat.

Muutaman niistä olet saattanu niin kauvon ettet ajattelekhaan ette net oon reekelit. “Niin” se vain oon.

Etikki

Etikki tutkii miksi joku oon oikhein tahi väärin. Miksi luulet ette met emmä saa varastaat, valehella tahi olla ilkeä muile?

Forrige avsnitt

1 / 3

Neste avsnitt
Mann holder skilt for rett og galt
Mann holder skilt for rett og galt

Etikin eri tyypit

Se löytyy erilaisia etikin tyypiä:

Kuvvaileva elikkä deskriptiivinen etikki kuvvailee yhtheiskunnan moraalisia reekeliä. Sie ymmärät varmasti ette nämät reekelit oon joukon erilaiset eri maissa.

Normatiivinen etikki muistelee mikkä attityydit ja reekelit oon net oikeat. Luuletko ette normatiivinen etikki oon samanlaista kaikkialla mailmassa?

Käytänöllinen etikki oon etikkiä praksisissa. Oonko oikhein tappaat soassa?

Metaetikissä kyset oon siitä mitä moraali oikeastansa oon. Oonko olemassa fasiitti sille mikä oon oikhein ja väärin?

Forrige avsnitt

1 / 2

Neste avsnitt
Jugekort bak ryggen
Jugekort bak ryggen

Normit ja arvot

Normit kuvvailevat sitä mikä yhtheiskunnan mielestä oon oikhein. Semmoset normit oon kans erilaiset sen jälkhiin missä met asuma, ja siksi se oon helppo ymmärtäät väärin ihmisiä jokka oon muista maista pois.

Arvot oon se ääni meän sisälä joka ohjaa meän valintoja jokka tehemä joka ikinen päivä.

Sie lähet koulhuun vaikket halua lukeat matematikkia siksi ko sie tiät ette se oon väärin skulkata.

Sie tiät ette se oon väärin varastaat kaupasta

Attityydit oon meän omat ajatukset normista ja arvoista jokka met olema oppinheet.

Rehelisyys oon arvo. Sie tiät ette sie piät olla rehelinen. Mutta se ette valittee olla rehelinen persoona, oon attityydi

Forrige avsnitt

1 / 3

Neste avsnitt
Valgets kvaler
Valgets kvaler

Eettinen hunteeraus

Etikin ytimessä oon siis se kunka sie ja mie kohtelemma toinen toista, ja miksi. Joka päivä met valittemma kunka met haluamma kohela muita.

Met hunteeraama sitä mikä oon oikhein ja väärin. Met kuvittelema erilaisia maholisuuksia.

Lopuksi met päätämä sen mitä met haluamma tehä. Tätä met kuttuma eettiseksi hunteeraukseksi.

Eettistä hunteerausta tehemä joka päivä

Forrige avsnitt

1 / 2

Neste avsnitt
En håndsrekning
En håndsrekning

Etikki arkipäivässä

Esimerkki:

Liisa käypi kaupassa koulun jälkhiin ja ostaa sukulaatin. Sielä hän näkkee vanheman miehen joka pistää hammaskreemituubin lummhaan. 

“Mitä mie tehen nyt?”, ajattellee Liisa. “Piänkö puhuat sen miehen kans? Tahi ilmotanko kaupan työtelijöile?

Miehelä oon kulunheet vaattheet päälä. Liisa ymmärtää ette miehelä ei ole paljon rahhaa. Hän tietää ette kauppa aina antaa kauppavarkhaukset ilmi pulettijale.

Liisa tykkää syntiä miehestä. “Ei se hammaskreemituubi maksa niin paljon”, ajattellee Liisa. “Mutta …”

Forrige avsnitt

1 / 2

Neste avsnitt
Illustrasjon av en jente som ikke vet hva hun skal velge.
Illustrasjon av en jente som ikke vet hva hun skal velge.

Eettinen dilemma

Muutamisti sinun valinoila oon konsekvensit tyhä sinule. 

Joskus niilä oon konsekvensit muileki.

Ushein oon vaikea tietäät mikä oon oikhein ja mikä oo väärin. Tätä met kuttuma eettiseksi dilemmaksi.

Tekispä Liisa mitä tahansa, se se tullee väärin jolleki. Mitä sillon pittää tehä?

Ko met jou’uma eettisheen dilemmhaan, met saatama alkaat eppäilemhään itteämmä. Sillon kannattaa ajatella sen läpitte mikä olis vähhiiten väärin valita.

Mitä sie teksit jos sie olisit samassa tilantheessa ko Liisa?

Oletko sie koskhaan kokenu eettistä dilemmaa?

Puhu mielelä sen ympärit klassissa!

Forrige avsnitt

1 / 3

Neste avsnitt

Warning: Trying to access array offset on value of type bool in /home/skolerom/public_html/wp-content/themes/bokasin/library/education.php on line 251

Warning: Trying to access array offset on value of type null in /home/skolerom/public_html/wp-content/themes/bokasin/library/education.php on line 251

Warning: Trying to access array offset on value of type bool in /home/skolerom/public_html/wp-content/themes/bokasin/library/education.php on line 251

Warning: Trying to access array offset on value of type bool in /home/skolerom/public_html/wp-content/themes/bokasin/library/education.php on line 252

Kaltiot:

  • Sagdahl, Mathea Slåttholm: etikk i Store norske leksikon på snl.no.
    Hentet 29. oktober 2021 fra http://snl.no/etikk

Video- ja kaltiot:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Skolerom
    8. Getty Images
    9. Skolerom
Close Icon

Loading...