Meiđän kaunis mailma – Eurooppa
Meidän mailmassa oon paljon jännittääviitä paikkoi.
Tässä artikkelissa sie opastut 7 erikoisen paikan kans Euroopassa.
1. Neuschwansteinin linna | Tyskä
Neuschwansteinin linna oon torniin, kierttääviitten trappuin ja klasimaalausten labyrintti. Linna antoi inspirasuunii Walt Disneyn eeventyyrilinnale. Täälä sie saatat tutkiit kaunhiita lommii ja saalii, justhiin niin ko sie olisit Tuhkapotti.
Bayernin kuningas Ludvig II rakensi Neuschwansteinin linnan hiljain 1800-luvula. Hän oli eventyyräri joka halus rakenttaat eventyyrilinnan.
Linnasta oon fantastinen näkymä kaunhiile järvele ja Alpiile. Se oon tođelinen unistuslinna.
Valitettavasti kuningas ei koskhaan nähny linnaa valmhiina. Hänen panthiin pois kuninkhaan virasta ja hiljemin hänen löyđethiin järvestä. Hän oli hukkunu mystisesti.
Neuschwansteinin ovet aukaisthiin publikumile ko haluthiin hankkiit rahhaa ette linnan pykäthiin linnan valmhiiksi.
1 / 3
Neuschwanstein slott i Tyskland
2. Giant’s Causeway | Pohjais-Irlanti
Giant’s Causeway oon ala missä oon kuuđenkanttiset laavatolpat. Sieltä oon uskomaton näkymä Skotlanthiin.
Legendan jälkhiin kemppi Finn mac Cumill pykkäs Causewayn.
Hän viskas kivvii vetheen ko aikoi rakenttaat sillan niin ette skotlantilainen kemppi, Bennandonner, saattoi tulla tappelemhaan hänen kans.
Tođelisuuđessa kivet oon laavaa joka oon koventunnu.
Giant’s Causeway oon UNESCO:n mailmanperintölistala. Paikkaa piđethään tärkkeenä sekä tietheen ette taitheen mailmassa.
1 / 3
Giant's Causeway i Nord-Irland
3. Alhambra | Spania
Alhambra oon suuri fästinki. Täältä löyttyy fantastissii tarhaita, kaarikangii ja kolme ihanaa linnaa.
Tämä oon yksi Euroopan kaunhiimista islamilaisen taitheen ja arkitektuurin esimerkiistä.
Alhambra oli ensisti roomalainen fästinki.
1100-luvula arabialainen hallittiija rakensi sen uuđesti.
Spaniasta tuli kristilinen maa uuđesti vuona 1492. Katooliset kuninkhaat ja tronningit pykäthiin omat linnat.
Het haluthiin pykätä jotaki mikä oli kokonhansa toisenlaista ko se mitä musliimit olthiin pykänheet
1 / 3
4. Bled-järvi | Slovenia
Bled-järvi oon kuvvaajan unistus. Se oon likelä Bledin kyllää, Slovenian alpiila.
Vaarat ja mettät ympäröitteevät järven. Korkkeela järvestä pohjaisheen käsin näjet Bledin linnan.
Kaiken tämän kaunheuđen keskikohta oon saari mikä oon järven keskelä. Saaressa oon kirkko joka kunnioittaa Neittyt Mariaa.
Kirkossa oon 52 meetterin korkkee torni ja 99 trappuu jokka nousthaan veđen rajasta.
Jos sie käyt mukala Bledin linnan tykönä, sie saat fantastisen näkymän järven yli.
Linna oon 1100-luvulta. Täälä sie saatat nähđä mööpeliitä ja maalauksii museumissa, ja opetella kirjoin pränttäämistä linnan omassa präntissä.
1 / 3
Bledsjøen i Slovenia
5. Meteora | Kreikka
Kreikka oon tunnettu sen klosteriista ja kirkoista. Net oon ushein rakenettu vaaranlajile ja pienile sulluile meressä.
Yksi näistä oon Meteoran klosterit. Klosterit tarraavat kiini pahđan reunhaan täälä.
Munkit, nunnat ja eremiitit oon asunheet täälä kristinuskon ensi päivistä saakka.
Ko Tyrkin hyökkäys oli päälä, häyđythiin het pykätä vaaroile. Het pykäthiin huonheita kivitolpile tahi korkkeile pahđoile mihin pääsi tyhä tikkapuita myöten.
Tääpänä Meteorassa oon vain kuusi klosterii jäljelä. Niissä sie saatat käyđä, vaikka sielä vielä assuu muutama munkki ja nunna.
Täälä sie saatat kattela vanhoi freskoi eli seinämaalauksii, kaunhiita kapelliita ja hyvin hoiđettui haakkii.
1 / 3
Meteora i Hellas
6. Plitviče-järvet | Kroatia
Plitviče-järvet Kroatiassa oon 16 järvee jokka oon siđottu yhtheen kurkkiin kautta. Puusillat mennee järvitten yli. Täälä saatat kaalaat smaragdinvihrisessä veđessä joka kantila.
Järvet oon osa pitkää järvee mikä virttaa kahđen vaaran välissä. Veđessä oon kalkkii mikä anttaa järvile vaaleevihrisen färin.
Kalkki painuu pohjhaan ja luopi pattoi ja pienii järvii.
Plitviče-järvet oom UNESCO:n mailmanperintölistala, ja se oon Kroatian populääriin paikka turistiile.
1 / 3
Plitvice i Kroatia
7. Stonehenge | Iso-Britannia
Se oon helppo tunnistaat Stonehengen Iso-Britanniassa. Kukhaan ei tieđä sikkaristi kuinka kivet tulthiin sinne.
Kivet oon olheet sielä vähhiinthään 3500 vuotta. Tuhanet turistit käyvät Stonehengessa joka vuosi.
Kalttiit:
- 101 steder du må oppleve (før du dør) (2020)
Orage Forlag AS
Kuvat ja videot:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
