Vapaaehtosuus

Sanassa «vapaaehtonen» oon kaksi sannaa: vapaa ja ehtonen. Ko sie työtelet vapaaehtosesti, niin sie et työtele sen tähen ette saat palkkaa. Mutta saatatko sie saaha siitä jotaki muuta?

Oma vuosi ja oma päivä

Vapaaehtosuus sai oman vuuen vuona 2022, mutta sillä oon kans oma päivä. Se oon 5. desemperikuuta. Sillon jaethaan Norjassa Vapaaehtosuuspalkinon. 

Palkinon annethaan ihmiselle tahi roikale joka oon erityisen hyvä vapaaehtosessa työssä.

Miksi vapaaehtosuus oon tärkeää?

Yksi YN:n tärkeä mooli oon luua mailmhaan rauhan, ja vapaaehtonen työ oon yksi tärkeä askel tällä tielä. Vapaaehtonen työ saattaa vaikuttaat siihen ette ihmiset tulevat likemäs toinen toista ja ymmärtävät toisiansa paremin. Vapaaehtosuus saattaa olla myötä luomassa parempaa mailmaa!

Vapaaehtosuuspäivän moolit oon:

    1. Saaha enämen ihmisiä työtelemhään vapaaehtosesti.
    2. Alottaat vapaaehtosen työn useammassa paikassa.
    3. Luua enämen tietosuutta siitä arvosta mitä vapaaehtoset antavat samfynnille.
Forrige avsnitt

1 / 3

Neste avsnitt
Fargerike armer av papir strekker seg mot jordkloden i midten.
Fargerike armer av papir strekker seg mot jordkloden i midten.

Höh? Tehä ilmasta työtä?

Jos sie tehet jonku työn, niin sie sikkaristi haluat kans palkan? Sie saatat kans saaha palkaksi skenkkiä tahi palveluksia. Esimerkiksi sie saatat leikata ruuhon sinun krannile, ja sen eestä kranni saattaa ruokkiat sinun kissan ko olet feeriällä. Met saatama kuttuat sitä vaihetussamfynniksi.

Miksi pitäisimmä työtelä vapaaehtosinna?

Tääpänä met tavalisesti ootama ette saama palkan sen eestä ette tehemä työn. Miksi met sitte häytyisimmä mellata ittemä vapaaehtoseksi ja työtelä ilmaseksi?

Forrige avsnitt

1 / 2

Neste avsnitt
Nærbilde av en gressklipper som klipper gress.
Nærbilde av en gressklipper som klipper gress.

Muunlainen palkkio

Vapaaehtonen työ oon työtä mitä sie tehet pareman samfynnin etheen. Motivasuuni ei ole se ette sie saisit palkkion sen eestä mitä sie tehet. Mutta se saattaa kuitenki antaat sulle jotaki. Sie saatat esimerkiksi kokeat onnistumisen tahi tunteat ilon siitä ette kuulut yhtheismiljöösseen.

Altruistinen – tyhä ajatella muita?

Ko sie panet toisten tarpheet sinun omitten tarpheitten eele, toimit altruistisesti. Sana tullee franskalaiselta filosoofilta August Comtelta (1798-1857).

Altruismin määritelhään näin:

«Moraalinen attityydi joka pannee toisten hyvinvoinin oman hyöyn eele.» 

Egoismi – tyhä ajatella itteänsä?

Egoismi oon altruismin vastakohta. Sillon sie ajattelet tyhä itteästi ja sinun omia interessiä.

Forrige avsnitt

1 / 3

Neste avsnitt
Ung gutt dytter en bil.
Ung gutt dytter en bil.

Se oon helppo tulla myötä!

Jos haluat työtelä vapaaehtosesti, oon sulla paljon maholisuuksia. Sie saatat tehä sen yksin tahi jossaki organisasuunissa. Näitä oon usheita: 

    • vapaaehtoset organisasuunit
    • interessiorganisasuunit
    • ideeliset organisasuunit

Mikä oon vapaaehtonen organisasuuni?

Vapaaehtonen organisasuuni oon joukko ihmisiä jokka haluavat tehä jonku työn toisten etheen. Organisasuuni saapi piian rahhaa tahi skenkkiä sponsorilta tahi jäseniltä. Esimerkiksi Punanen Risti, Pelastakaa Lapset tahi Kirkon Kaupunkimisuuni oon vapaaehtoset organisasuunit.

Mikä oon ideeli organisasuuni?

Ideelin organisasuunin moolina oon auttaat toisia, mutta ei tienastin tähen. Organisasuuni saattaa saaha tienastia jäsenmaksoista, julkisista lisärahoista, skenkistä tahi sponsorilta.

📷  Pelastuskoira ja Punasen Ristin vapaaehtoset työtelijät.
Forrige avsnitt

1 / 3

Neste avsnitt
To personer og en hund som redder noen i snøen.
To personer og en hund som redder noen i snøen.

Vapaaehtosuuen sentraali

Vapaaehtosuussentraali oon paikka joka jakkaa työt vapaaehtosille.

Norjassa meilä oon 478 semmosta sentraalia. Moolina oon jakkaat työtä ja oornata tehtäviä. Tavalisia tehtäviä saattaa olla huolenpito, sosiaalinen yhessäoleminen ja kulttuuri.

Ung jente pakker matkasser til trengende.
Ung jente pakker matkasser til trengende.

Parempi samfynni

Vapaaehtosta työtä ei mitata kruunuissa ja äyrissä, mutta ko sie työtelet vapaaehtosenna ja autat ihmisiä, olet sie myötä luomassa pareman samfynnin.

Selvät sopimukset

Jos sie olet kiinostunu vapaaehtostyöstä, oon se tärkeä muistela ette se työn oon tehty vapaaehosesti. Sillon työn vasthaanottaja ei luule, ette hän häytyy maksaat työstä.

Forrige avsnitt

1 / 2

Neste avsnitt
Et par bærer en sofa opp en trapp.
Et par bærer en sofa opp en trapp.

Kalttiit:

  • Tjønneland, Eivind; Sagdahl, Mathea Slåttholm: altruisme i Store norske leksikon på snl.no.
    Hentet 21. januar 2022 fra https://snl.no/altruisme

Kuvan ja videon oikeudet:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
Close Icon

Loading...