Kva viss vi var 100 menneske på jorda?

I 2021 levde det nesten 8 milliardar menneske på jorda. Det er 1 milliard meir enn for ti år sidan. Ei slik utvikling er ikkje ønskjeleg. Det blir for vanskeleg å dele mat, vatn og andre ressursar.

Korleis ville det ha vore viss befolkninga var 100 menneske?

Stor folkemengde sett ovenfra.
Stor folkemengde sett ovenfra.

Kvinner og menn

Det er omtrent halvparten av kvart kjønn. Vi meiner då biologisk kjønn, og ikkje korleis ein sjølv definerer seg.

Kvar kjem alle frå?

61 personar vil komme frå Asia.
19 av desse kjem frå Kina.
18 kjem frå India.

15 personar kjem frå Afrika.
10 kjem frå Europa.
9 kjem frå Sør-Amerika og Karibia.
5 menneske kjem frå Nord-Amerika.

Kva slags språk blir  snakka?

12 personar vil snakke mandarin-kinesisk.
5 vil snakke kvart av språka spansk, engelsk og hindi (India).
3 snakkar arabisk.
2 snakkar portugisisk.
2 snakkar russisk.
2 snakkar japansk.
1 snakkar tysk.

Resten snakkar nokre av dei andre 6000 språka som finst.

Religion

I befolkninga er det 34 kristne. 27 er muslimar, og drygt 16 er hinduar. Vi har 7 buddhistar og 2 ateistar. Ateistar trur ikkje på nokon gud. Hinduismen og buddhismen oppstod i India. Resten fordeler seg på andre religionar.

Forrige avsnitt

1 / 4

Neste avsnitt
Halvparten av jordas overflate sett fra verdensrommet.
Halvparten av jordas overflate sett fra verdensrommet.

By eller land?

Over halvparten bur i byar. Mange bur òg langs kysten. 60 personar bur 100 kilometer eller kortare frå havet.

Helse- og buforhold

Meir enn halvparten bur i land der overvekt er eit stort helseproblem. Under halvparten av verdas befolkning har tilgang til trygge sjukehus. 1 av 3 er utan reine drikkevassskjelder. 25 personar vil anten bu i falleferdige heimar, eller ikkje ha nokon heim i det heile.

Internett

53 av innbyggjarane bruker internett. Halvparten av desse kjem frå Asia. 7 kjem frå Europa, og litt under 6 kjem frå Afrika.

Jobb og utdanning

10 vil vere arbeidslause. 36 jobbar i jordbruk. I industrien jobbar 21 personar. 33 driv med transport eller handel.

7 kan ikkje lese og skrive, medan 7 har høgare utdanning.

Forrige avsnitt

1 / 4

Neste avsnitt

Fordeling av rikdom

Den aller rikaste i verda vil eige 45 prosent – åleine! Rundt 10 av 100 lever i ekstrem fattigdom.

Flere stabler med mynter.
Flere stabler med mynter.

Kjelder:

  • Tønnessen, Marianne; Solerød, Hans: befolkning i Store norske leksikon på snl.no.
    Henta 5. januar 2022 frå http://snl.no/befolkning

Bilde- og videorettar:

    1. Getty Images
    2. Getty Images
    3. Getty Images
    4. Getty Images
Close Icon

Loading...