Taivhaanvalkkeitten taika

Ennen luulthiin ette taivhaanvalkkeet oon yhđenlainen portaali meiđän mailman ja jumaliitten valtakunnan Åsgardin välilä. Mutta mitä net oikkeestansa oon?

Accessibility icon Taivhaanvalkkeitten taika

Taivhaanvalkkeitten ääni

Oon talvi ja keskiyö.

Taivhaala oon keltaista, vihristä ja valkkeeta näkköö. Se tanssaa. Kuuletko sie ette se paukkuu?

Mitä taivhaanvalkkeet oikkeestansa oon?

Myyttinen selitys

Vanhaasseen aikhaan met selitimmä myytiilä sitä mitä met emmä ymmärtänheet. Myytit muistelthiin ushein jumalista.

Ennen ko met tiesimä mitä taivhaanvalkkeet oon, met luulima ette näkö taivhaala oli merkki jumalatar Auroralta.

Näkö muistutti vaunui, ja se luulthiin ette tuuli työnsi vaunut taivhaan poikki.

Aurora meinaa auringonnoussuu, ja sana tuuli oon kreikaksi borea. Siksi taivhaanvalkkeita käskethään kans nimelä Aurora borealis.

Forrige avsnitt

1 / 2

Neste avsnitt
Bilde av nordlys i Lofoten
Bilde av nordlys i Lofoten

Taivhaanvalkkeet Norjassa

Norjassa met selitimmä taivhaanvalkkeet vanhaannorjalaisen mytologiin kautta. 

Met luulima ette taivhaanvalkkeet oli silta Midgardin ja Åsgardin välilä. Ihmiset asuthiin Midgardissa, ja jumalat Åsgardissa.

Monet luulthiin ette taivhaanvalkkeila oli vaaralissii voimii ja ette se oli tokka halttiijoita. Sitä käskethiin Åsgardsreiaksi.

Åsgardreia saattoi vieđä ellääviitä ihmissii myötä kuoleman valtakunthaan. Olletikki jos sie vihelsit tahi vilkutit taivhaanvalkkeile.

Forrige avsnitt

1 / 2

Neste avsnitt
Åsgårdsreia
Åsgårdsreia

Uskosta tietheeksi

Taivhaanvalkkeet saattaa nähđä taivhaala likelä Pohjaisnappaa. Tätä käskethään taivhaanvalkkeet-ovaaliksi. Tämä vaihettellee aurinkotuulen, auringon aktiviteetin, janturinaijan ja maan magneettikentän myötä. Etelänavan ympärillä tätä polaarinäkköö käskethään etelänvalkkeiksi.

Englantilainen tutkiija Edmond Hallet ja norjalainen Kristian Birkeland oon freistanheet selittäät mitä taivhaanvalkkeet oikkeestansa oon.

Kristian Birkeland muisteli ette taivhaanvalkkeet oon elektriset auringon sätheet mikkä tulleevat veđetyksi maapallon magneettikentthään. Magneettikenttä oon vahviin pohjais- ja etelänavassa. Ko sätheet tölmäävät maapallon atmosfäärin kans, taivhaale synttyy näkköö.

Forrige avsnitt

1 / 3

Neste avsnitt
Sørlys (Aurora australis) i New Zealand
Sørlys (Aurora australis) i New Zealand

Valkkeen ääni

Ko auringon elektriset sätheet kohđattelevat maapallon magneettikentän kans, synttyy raadiopaaroi. Nämät tekkeevät äänen minkä met saatama kuula erikoisten raadioitten avula. Joskus saatama kans kuula net omila korvila. Taivhaanvalkkeita kuttuthaan saameksi nimelä “Guovssahas”, mikä meinaa “kuulttaavaa valkkeeta”.

Tromssassa ja Alattiossa oon kaksi tieđetsentterii missä taivhaanvalkkeita tutkithaan. Meilä oon yhä paljon opittavvaa.

Nordlys, Island
Nordlys, Island

Kalttiit:

  • Næss, Ellen Marie: Midgard i Store norske leksikon på snl.no. Hentet 15. november 2021 fra
    https://snl.no/Midgard

Kuva- ja video-oikkeuđet:

    1. Getty Images
    2. Getty Images
    3. Peter Nicolai Arbo (CC BY 4.0)
    4. Getty Images
    5. Getty Images
Close Icon

Loading...