Kvifor må vi jobbe?

Jobben vår har mange funksjonar i livet vårt. Det mest openberre er at vi jobbar for å tene pengar til mat på bordet og eit hus å bu i. Likevel er det mange andre gode grunnar for å jobbe. Det er fordelar både for deg sjølv, samfunnet og dei du lever saman med.

Accessibility icon Kvifor må vi jobbe?

Hugsar du den første isen du åt? 

Hugsar du den første isen du åt? Du vart sannsynlegvis hekta på is for resten av livet. Iskrem er smaken av 17. mai og sommarferie!

Men for at du skal kunne ete is, må nokon produsere han først. Det blir gjort på ein iskremfabrikk i anten Oslo, Stavanger eller Kristiansand.

Gutt spiser is
Gutt spiser is

Kvifor må vi jobbe? 

Nokon må jobbe for at vi andre skal kunne ha bilar, datamaskinar, klede, hus eller is. Derfor er det viktig at vi har alle typar jobbar. Vi treng lærarar, røyrleggjarar, søppeltømmarar og  butikktilsette.

Bilfabrikk
Bilfabrikk

Jobbar som ikkje finst lenger 

Vi og samfunnet utviklar oss heile tida. Her er nokre yrke som har forsvunne. Dei har blitt erstatta av meir moderne løysingar.

  • Kjeglesetjar på bowlingbanar
  • Isskjærar – for å halde maten kald før vi fekk kjøleskap
  • Gatelystennar
Gatelystenner

Kvifor må vi bli noko? 

Ein jobb gir deg løn. Med desse pengane kan du kjøpe hus, klede og mat. Du kan drive med idrett eller dra på ferie.

Gjennom jobben din kan du:

  • lære nye ting
  • bli betre kjend med deg sjølv
  • kjenne deg nyttig
  • få betre sjølvtillit
  • fylle tida med noko meiningsfylt

Dei du jobbar med, kan også bli nokre av dei beste vennene dine.

Når du jobbar, betaler du skatt. Desse pengane går til ei felles pengekasse som er nyttig for samfunnet. Skattepengane gjer at vi har sjukehus, vegar, skular og sjukeheimar.

Forrige avsnitt

1 / 3

Neste avsnitt
Kollegar
Kollegar

Jobb og sjølvkjensle

Det er viktig at vi har det bra på jobben. Viss du ikkje trivst, kan det bli vanskeleg å jobbe. Då kan det vere lett å møte «veggen» og ikkje orke meir.

Det er viktig at jobben motiverer deg. Jobben bør gi deg moglegheiter til å utvikle deg og lære nye ting.

Forrige avsnitt

1 / 2

Neste avsnitt

Gøy på jobb 

Jobben er noko du skal gle deg til. Det skal vere gøy å jobbe, sjølv om det òg kan vere slitsamt. Du skal òg kjenne glede ved å kome heim for å slappe av.

Er jobben statisk? 

Nokre yrke er statiske. Det betyr at ein gjer dei same tinga nesten heile tida. Døme på det kan vere fabrikkarbeid eller å sitje i kassa i butikken. Likevel er desse jobbane viktige for samfunnet.

Er kreative jobbar dei beste? 

Det er lett å tenkje at kreative jobbar er dei beste. Der gjer du ulike ting heile tida. Slik er til dømes læraryrket. Ingen dag er lik!

Det er mange som trivst med å ha det slik. Mange lærarar gleder seg til å gå på jobb, nettopp på grunn av varierte arbeidsoppgåver.

Forrige avsnitt

1 / 2

Neste avsnitt

Samfunnskritiske jobbar 

Nokre yrke er spesielt viktige når vi opplever ei krise. Til dømes ein pandemi. Regjeringa har laga ei liste over dei mest nødvendige yrka vi må ha under ein pandemi eller i krig.

Dette kan vere politikarar, politi, sjukepleiarar, legar, grensevakter, brannvesen eller butikktilsette. Vi treng òg lærarar, prestar, reinhaldsarbeidarar og dei som jobbar i gravferdsbyrå.

Kvinner i arbeid

Kvinner i fattige land får ofte ikkje lov til å jobbe. Dei må vere heime for å passe hus og barn. Derfor får dei nesten ingen pengar.

Dei som jobbar deltid, tener mindre pengar enn dei som jobbar heiltid. Ofte er det kvinner som jobbar deltid. Dei må ha ein jobb som ikkje tek altfor mykje tid. Mannen forventar ofte at kvinna tek seg av huset og barna.

Kvinner som jobbar deltid, får mindre løn. Dei får derfor ikkje spart like mykje til pensjon. Viss ekteparet skil seg, vil kvinna få mindre å leve for når ho blir pensjonist.

Både kvinner og menn bør ha lik rett til å jobbe. Økonomien i samfunnet blir betre viss fleire har jobb. Fleire betaler skatt, og dei som driv butikk, får selt fleire av varene sine.

Forrige avsnitt

1 / 4

Neste avsnitt

Arbeid tryggjar velferda

Kjelder:

Bilet- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images
    10. Getty Images
    11. Regjeringen – YouTube
Close Icon

Loading...